Монголчууд бидний бахархалт өвөг дээдэс, тэр дундаа 13-14-р зууны их эзэнт гүрний эрэлхэг цэрэг ноёд жанжин хаад хан хөвгүүд, эрхэмсэг гоо гүнжүүдээрээ бахархан баярлаж энэхүү зургаа бүтээсэн билээ. 

Эртний сайхан #40/50

EzentGuren

Зураач Эрдэнэбилэг байна. Орчин цагтай хөл нийлэн өөрийн анхны NFT цуглуулгаа гаргаж байгаадаа машид баяртай байна. Бүтээлүүд маань төрийн ордон, НҮБ-ын төв байр зэрэг хүндтэй газруудад байрладгийг нэр хүндийн хэрэг хэмээн талархаж явдаг билээ.  Их Монгол улс үүсгэн байгуулагдсны 860 жилийн ойг угтаж “Эзэн гүрэнт – Тэнгэрийн ташуур” коллекцоороо та бүхэнтэй мэндчилж байна. Мөн ирэх онд 2 цуврал коллекцыг гаргахаар бэлтгэл ажлаа хийж байна. Тухайн бүрт өөрийн NFT-үүдийг эзэмшдэг цуглуулагч, Hodler-ууддаа гэнэтийн бэлэг барих болно. Хамт байгаарай. Та бүхэнд талархъя.

Эзэнт гүрэн - Тэнгэрийн ташуур

Чингис хаан Хорезмийн эзэнт улсыг дайлаар мордож, нийлэл Самарканд хотын гол сүмд морьтойгоо орж ирээд “Би та нарын гэм нүглийг гэсгээн цээрлүүлэхээр ирсэн тэнгэрийн ташуур байна” хэмээсэн гэж ном судруудад тэмдэглэгдэн үлдсэн байдаг. Түүнээс сэдэвлэн бүтээсэн. Уг бүтээл маань төрийн ордны ёслол хүндэтгэлийн танхимд байрладаг.  

Энэхүү бүтээлийг маань худалдан авсан эрхэмд өөрийн гараар ахин зурж өгнө. Та өөрийн сэтгэлдээ тээж явдаг зүйлсээ мөн илэрхийлж оруулж болно.

Чингис хаан - Тэнгэрийн ташуур

Эртний сайхан

Алсад орсон борооны үнэр, сэвшээ салхитай хамт ирж, тэнгэрийн хаяаг ширтэн эр нөхөр, энхрий үрээ хүлээн зогсох хатны хацрыг элбэн аргадна.

Дайн тулаанд явсан эр нөхрийнхөө эзгүйд үр хүүхдээ өсгөн эцэг, эхээ асарч, ахуй төрөө залж явсан нь агуу их ялалтын салшгүй нэг хэсэг билээ. Үзэсгэлэн гоо, эрхэмсэг, эрэлхэг зоригт хатад бүсгүйчүүдийнхээ яруу алдарт зориуллаа.

Борооны үнэр

Энэхүү зургандаа Чингис хааны гарамгай жанжин, дэлхийн маршал Зэв алсад байх анг онилно. Үнэнч анд ирвэс нь онилсон анг хараа салгалгүй ширтэх торгон агшныг харуулсан. Сум тавих мөчид ирвэс ямарч эргэлзээгүй шууд давхиж, сумтай зэрэгцэн анг барьж авна.

Ан ав (Эрхий мэргэн Зэв жанжин)

Дайны талбарт илд хангинаж, морьд давхилдан, хүмүүсийн орилоон сонсогдож, манарсан их шороо, тоосон дунд юу болж байгаа нь үл мэдэгдэнэ. Гэвч хар сүлдний үзүүр эгц дээш чиглэн тулааны талбарыг хөндлөн гулд өнгөрч одох нь харагдана. Энэ нь Монголын арми үнэмлэхүй ялалт байгуулсны тэмдэг билээ.

Армийн амин сүнс нь дайны хар сүлд бөгөөд бөхийж унаагүй, унахгүй гэсэн билэгдэл, чин зориг, хүслийг илэрхийлэл болж дайчид, баатруудад урам зориг, эрч хүчийг өгдөг байсан.