Сүүтэй цай
Та энэхүү NFT-г авснаар дархлаа дэмжих, арвайн гурил шар тостой багсран хуурсан сүүтэй цайтай болох болно. Орц: цэвэршүүлсэн ус, сүү, давс, арвайн гурил, шар тос

Сүүтэй цай #20/30

ShirkhegiinKhool

Гэртээ контент дижитал ертөнцөд суурилсан, видео заавар зөвлөгөөг хүргэсээр 6-н жилийн нүүрийг үзжээ. Цахим ертөнц “Гэртээ”-тэй салшгүй холбоотой гэж үздэг учир өөрсдийн аппликэйшнийг гарган, бусад сошиал платформууд дээр ч цаг үетэйгээ уялдан жороо хүргэсээр байна. Бидний цахимаар хүргэдэг жор таны гал тогоонд ороод үзсэн шиг энэ удаа таны NFT цуглуулгыг цатгалан байлгахаар ширхэгийн хоолны NFT-г цагаан сараар гаргахаар боллоо. Яг л “Чарли ба шоколадны үйлдвэр” кинон дээр гардаг шиг зурагтнаас шоколад гаргаж авах үе ирж буй мэт мета ертөнцөд ширхэгийн хоолны NFT-гээ гаргаж буйдаа баяртай байна. Та энэхүү цуглуулгыг худалдаж авснаар бууз, хуушуур, боорцог, сүүтэй цай, ул боов, нийслэл салат, тавгийн идээтэй болох болно. Meta ертөнц дэхь ходоод тань үргэлж цатгалан, collection дүүрэн байг!

“Ширхэгийн хоол” Цагаан сар edition

Нийслэл салат
Та энэхүү NFT-г авснаар үхрийн хэлэн нийслэл салаттай болох болно. Орц: Төмс, лууван, үхрийн хэл, вандуй, өргөст хэмх, өндөг, майонез. Амталгаанд бага зэрэг давс, перец.

Нийслэл салат

Боорцог
Та энэхүү NFT-г авснаар гэрийн мушгиа боорцогтой болох болно. 1-р гурилыг бүлээн усаар зуурч амраан нимгэн элдэж зүсээд, мушгиж хэлбэрт оруулан халуун тосонд шарж болголоо. Орц: цэвэршүүлсэн ус, гурил, цөцгийн тос, давс, элсэн чихэр.

Боорцог

Ул боов
Та энэхүү NFT-г авснаар ул боовтой болох болно. Дээд гурилаар зуурч сайтар амраан, сэтгэлээ шингээн гараар нухаж хэвлээд, шар тосонд хайран та бүхэнд хүргэж байна.

Ул боов

Хуушуур
Та энэхүү NFT-г авснаар гараар татсан махтай, сүүлний өөх болон сонгиноор амталсан, шүүслэг, шаржигнуур хуушууртай болох болно. Орц: 1-р гурил, үхрийн татсан мах, сүүлний өөх, амталгаанд сонгино, давс, перец.

Хуушуур

Сүүтэй цай

Азын зоостой бууз
Та энэхүү NFT-г авснаар азын зоостой буузтай болно. Mongol NFT айлд зочлоод бууз идэхэд танд азын зоостой бууз таарчээ. Энэхүү зоостой буузтай хүний мета ертөнц үргэлж азаар дүүрэн байг! Гараар татсан хонины махан бууз. Амталгаанд сонгино, давс, перец, гоньд оров.

Азын зоостой бууз

Тавгийн идээ
Та энэхүү NFT-г авснаар мета тавгийн идээтэй болно. Монгол ёс уламжлалаа шингээн сондгой тоогоор өрж зассан, шар тос нь ханхалсан, цагаан тосон оройтой, хорхой ааруул, ёотонгоор чимэглэсэн цагаан сарын тавгийн идээ байна.