Сайн байна уу? Намайг Баясгалангийн Тэлмэн гэдэг. Чөлөөт уран бүтээлч. Би 2010 оноос эхлэн дижитал урлагийн 2D concept болон 2D character design гэсэн төрлүүдээр бие даан суралцаж эхэлсэн бөгөөд 2014оноос 3D organic model төрлийг сонирхон судалж, тэдгээрийг хослуулан уран бүтээлээ тууривсаар өнөөдрийг хүрчээ. Гол зорилго нь дэлхийд өрсөлдөхүйц хийцтэй Монгол соёл, нүүдэлчдийн онцлог шинж чанарыг тусгасан орчин үеийн 3D animation болон Video game зэргийг хийх хүсэлдээ хөтлөгдөн энэхүү урлагийн төрлүүдийг сонгон суралцсан ба цаашид ч улам гүнзгийрүүлэн суралцахаар зэхэж байгаа юм. Энэхүү 2D дижитал уран бүтээлээрээ эртний Монгол жанжидыг манай улсын нутаг дэвсгэрт нутагладаг амьтдаар төлөөлүүлэн өөрийн хүсэл сонирхолд нийцүүлэн хийсвэр дүр бүтээн дүрсэлсэн юм. Ингэж бүтээхдээ баатар болон уналга гэсэн хоёр төрөлд амьтдаа хуваарилж 13-14р зууны Монгол цэрэг жанжидын хуяг дуулга, зэр зэвсгээс иш татан өөрийн төсөөллийг шингээн тухайн баатар болон уналгатай зохицуулан зохиомжилж өгсөн. Уг бүтээлээ дан амьтдаар дүрслэх болсон шалтгаан нь нэг талаасаа хийсвэр үлгэрийн мэт байлгахыг хүссэн бол нөгөө талаараа бидний нүдэнд үл үзэгдэх хүн бүрийн давтагдашгүй зан араншин, царай төрх, мэдрэмж гээд дотоод өөр өөрийн амьтанлаг шинж чанарыг нь эргүүлэн гадна талд нь ил гарган, хүн төрхийг нь дотогш тал руу нь нууж байрыг нь сольсон болно. Тухайн баатруудын эд хэрэгсэл болон зэр зэвсгүүдийг хээ угалзаар чимэглэн алт, мөнгө, хүрэл, арьс, төмөр гэх мэтчилэн материалуудаар зохиомжилсон нь нүүдэлчин Монголчуудын өвөг дээдсийн зэрэг зиндаа болон ахуйн соёлын хөгжлийг харуулахыг зорьсон юм. Follow on Instagram: @telmen_bayasgalan


9н өрлөг

Та энэхүү NFT-г эзэмшсэнээр зөвхөн танд зориулагдсан дижитал жаазыг авахаас гадна Metahumans төслийн rare түвшний нэг NFT-тэй болно. 
Creator Bel (Instagram: Amara_Gram) ,Artist Telmen (Instragram: Telmen_Bayasgalan), Producer Anguuch(Instagram: anguuch_b), Sound Henza